Herjólfur á hvalveiðum?

  Veit húsfreyja vel, ásamt

  alþjóð að kreppa ríkir yfir

  litlu landi voru.

  Og að víða hefur harðnað á

  dalnum, og menn farnir að

  hafa allar klær úti til að

  bjarga því sem bjargað verður.

  En að Eyjamenn séu farnir að

  brúka Herjólf sem "hvalveiðibát",

  svona þegar gott er í sjóinn milli

  lands og Eyja, hafði húsfreyja ekki fregnað

  fyrr en nú.

  Ætli farþegarnir fái ekki þá "hlut" í

  veiðinni, svona sem aðstoðarhásetar?

  Mútta húsfreyju á þá sjálfsagt eftir

  að fá "jólabónus" frá Herjólfi, ferjunni

  góðu, því hún er meðal bestu kúnna

  Herjólfs.

  Eða kannski að hún fái aðeins eina

  50 kílóa sendingu af "súru hvalspiki"

  eftir áramótin, þar sem "krónan hin

  frónverska" er á "floti" úti á hafsjó...

  BURT FRÁ LITLA FRÓNI!

  Dettur ekki niður úr hor, mútta húsfreyju,

  þar með.

  Þá dettur húsfreyju í hug, fyrst Herjólfur

  er hvort eð er orðið "fjölnota" skip, hvort

  ekki mætti taka aðra hverja ferð í að

  "slæða" eitthvað af "flotkrónunni" upp

  úr sjónum.

  Þurrka síðan og hreinsa, og skella svo

  inn í "sængur" Frónbúa í staðinn fyrir

  æðadúninn sem aðeins útlendingar hafa efni

  á að versla á litla Fróni.

  Eitthvað svo "létt" og fljótandi í krónunni,

  hlýtur að vera hægt að brúka hana til að

  hlýja sér á köldum nóttum vetrar.

  Mætti svo líka hita og fletja út slatta af krónum,

  og nota á sumrin í "malbiksviðgerðir" á þjóðvegi 1.

  Svo erlendu ferðamennirnir, er hafa efni á bensíni og olíu

  í bifreiðar, geti komist ferða sinna um landið á

  þokkalega "holulausum" þjóðvegi.

  Verst að ferðalangar milli lands og Eyja verða að

  fara að reikna með 8 - 10 tíma ferðum um borð

  í Herjólfi, ferju Eyjamanna, þar sem

  þetta verður "annasamasta" sjóleið allra tíma.....

  hvalir....flotkrónur...allt í bullandi mokveiði í

  hverri ferð, enda Eyjamenn frægir fyrir að vera

  miklar aflaklær og afbragðssjómenn.

  Gott ef Johnsen skellir ekki inn nýju frumvarpi

  á þingi um ein herleg og góð "göng" upp á land.....

  en þá verður hann áð láta þau enda í hvalastöðinni

  í Hvalfirðinum.

  Nú!  Má altént nota "flotkrónurnar" í þau.

  En þetta er nú lauflétt grín hjá húsfreyju svona á

  Fullveldisdegi og í vaktarfríi, varð aðeins að fá

  útrás fyrir meinlega "grínaragenið" sitt.

  Góðar stundir.

 

Varð hvalurinn fyrir Herjólfi?

Athugasemdir

[Hörður Einarsson, 1.12.2008 kl. 23:52]

Ætli þær séu ríkisstyrktar?

[Sigríður Sigurðardóttir, 2.12.2008 kl. 17:54]

  Ja, ekki kæmi það mér á óvart, Hörður!