En þá er það stóra spurningin!

  Var brúðguminn "hreinn sveinn"?

  Getur þá ekki brúðurin farið fram á "ógildingu á ógildingunni", hafi brúðguminn logið til um sveindóm sinn?

  En kannski vill brúðurin bara losna úr hjónabandi þessu, og er alsæl með ógildinguna.

  Furðulegt að franskir dómstólar skuli hafa fengist út í þennan darraðadans múslima.

  Frönsk landslög skulu gilda í Frakklandi, sama hvað Kóraninn, "forntrúarrit frá því á sjöundu öld" segir, er mat húsfreyju.  Múslimar ættu þá kannski að huga að því að gifta sig í löndum, þar sem bókstafur Kóransins er "lög"...nú eða ólög, eftir því hvernig menn vilja líta á málið.  Bæði neikvætt og vandræðalegt fyrir múslima, að standa í þessu kóranska "fornlagabrasi" í vestrænum ríkjum.  Og ber ekki vott um mikla og góða "aðlögunarhæfni" að vestrænum lögum, siðum og venjum.  Finnst húsfreyju hógværir múslimar setji niður við svona ekkisens bras.  Þeir heittrúuðu.....jamm, þeim er sjálfsagt ekki viðbjargandi.

  Eitt er víst.  Fæstir íbúar vestrænna ríkja vilja "aðlaga sig" að kórönskum lögum frá því á sjöundu öld eftir Krist.   Flest vestræn ríki hafa þurft að berjast fyrir því, að frelsi og jafnrétti sé tryggt með lögum, og að fara bakka aftur á sjöundu öld fyrir Krist er bara rugl.

  En húsfreyja átti svo ljúfan dag með sínum bónda og dóttur niður í bæ í dag.

  Sjómannadagshelgi.

  Andlitsmálun, furðufiskar og hoppukastalar fyrir þá stuttu ásamt blöðru,

  Marssúkkulaði og kók.

  Skoðuðum svo öll furðufiskana, bóndi snöflaði í sig pylsu og skruppum á Grandann.

  Snædd eðal fiskisúpa á Sjávarbarnum, og Bubbi mætti með sinn kassagítar og

  söng magnaðan blús..."þúsund þorskar á færibandi....", Einar Már flutti ljóð og

  við skruppum í Víkina, sjóminjasafnið okkar nýja.  Glæsilegt safn.

  Haldið heim á leið og sumarblómin versluð í Blómavali.

  Sú stutta fékk álf, og er farinn út að hjóla í síðdegissólinni.

  Karlinn kominn í uppáhaldsstellingu sína fyrir framan imbann.

  Landsleikur að hefjast! 

  "Slökkt" á bónda hvað húsfreyju varðar næstu 2 tíma.

  Tekur heldur enginn símtöl og  á engin börn næstu tvo tímana.

  Kvikni í....."þá er slökkvitækið frammi í forstöfu, og EKKI standa fyrir sjónvarpinu".

  Komi leki að krana..."skelltu fötu undir, og farðu niður og lokaðu fyrir vatnið.....

  ...EKKI standa fyrir sjónvarpinu"  .

  "Suðurlandsjarðskjálfti"?  Hva...þetta var bara vörubíll að fara framhjá...

  ....og EKKI standa svona fyrir framan sjónvarpið, það skelfur allt og hristist"!

  Need I say more!  

 

 

Hjónaband ógilt í Frakklandi vegna ósannsögli um meydóm

Athugasemdir

[Guðrún Jóhannesdóttir, 31.5.2008 kl. 20:09]

[Djákninn á Myrká (IP-tala skráð) 31.5.2008 kl. 21:17]

Aumingja eiginmaðurinn ,

Hann verður nú að halda leitinni áfram, en þarf að kynna sér vel ásigkomulag viss líffæris áður en hann leggur í hann næst.

 Hehehehehe

Tough deal! 

[Sigríður Sigurðardóttir, 31.5.2008 kl. 21:35]

  Já, og ætli það verði ekki farið að "skanna" eftir meydóminum, svona svipað og eftir gallsteinum og öðru.

[Jón (IP-tala skráð) 1.6.2008 kl. 03:05]

Konan hefur eflaust ekkert haft með hjónabandið að segja. Þetta hefur bara verið ákveðið og karlinn einungis samþykkt hjónabandið af því að hún átti að vera hrein mey. Hefði hún ekki verið það hefði hann ekki gifst henni. Því hefði hún eflaust ekki getað gert í því að hann sé "óhreinn".

[Heiður Helgadóttir, 1.6.2008 kl. 19:06]

Þetta er ruglað fólk, það er  ómögulegt fyrir okkur venjulegt fólk, að skilja þetta.

[Sigríður Sigurðardóttir, 1.6.2008 kl. 21:57]

  Líklega hárétt hjá þér, Jón.

  Já, að fylgja lögum Kóransins er ekkert grín, Heidi.  Og fáir sem botna þau í vestrænum þjóðfélögum.