Einhver sá mesti greiði...

...sem yfirvöld gátu gert vöruflutningabílstjórum, var að siga sérsveitinni á þá.  Heyrði á tal manna á útvarpsstöð, á leiðinni heim, og samúð allra er með vöruflutningabílstjórum.

  Talað er um nasistabúninga og harkalegar aðgerðir lögreglu, og að lögregla hafi farið offari.  Hef enga gagnrýni heyrt um mótmælendur.  Nú voru lögreglusveitarmenn þessir að fara eftir skipunum að ofan.  Ákváðu það ekki sjálfir að rjúka af stað, að stöðva mótmælin.  Tóku svo á sig grjótkast og eggjakast, og sendu sjálfir frá sér táragas inn í hópinn sem neitaði frá að hverfa.  Svo voru pústrar og kylfur á lofti.  Lögreglumaður á spítala eftir grjótkastið. 

  Ekta "sandkassaleikur" í boði stjórnvalda.  Og samúðin er öll hjá vöruflutningabílstjórum.  Ekki spurning.

  Hvernig skyldu "yfirboðarar" sérsveitarinnar hafa það núna?  Kannski enn að dást að eigin "ráðkænsku" og mergjaðri visku, þegar þeir tóku þessa sérsveitarákvörðun?  Svífa um á rósrauðu "eiginhagsmunaskýi", og klappa sjálfum sér á öxlina fyrir "sérlega góðar og djúpvitrar ákvarðanir"!  Og þurftu ekki einu sinni að vinna skítverkið sjálfir, gátu horft á öll herlegheitin á flatskjánum í vinnunni.

  Ó, hve litla Frón er heppið að hafa slíka "viskubrunna" á æðstu stöðum í þjóðfélaginu.

Eggjakast og nasistabúningar

Athugasemdir

[Kristín Magnúsdóttir, 23.4.2008 kl. 19:31]

Samúð hef ég ekki með vörubílstjórum.

[Solla Guðjóns, 23.4.2008 kl. 20:02]

Mér finnst bæði gott.....

Þ.e. löggan og bílstjórarnir......hver á sinn máta.

[Helgi M (IP-tala skráð) 23.4.2008 kl. 20:30]

Ég get ekki sagt að ég hafi samúð með vörubílstjórum, þeir eru farnir að ganga of langt.

það væri nú alveg eftir öllu að þeir haldi áfram að láta eins og krakkar og fari að dreifa skít og drullu um alla borg.  Við styðjum málstað ykkar, en gangið ekki of langt.  Lögreglan gerði það sem almenningur á að ætlast til af henni.

[Sigríður Sigurðardóttir, 23.4.2008 kl. 21:14]

  Ég set sökina á stjórnvöld hér, en lögregla var eingöngu að vinna sitt starf og karlarnir á vörubílunum bara harðir að mótmæla því, sem þeim finnst óréttlæti.  Held ekki með neinum, hvorki bílstjórum né lögreglu, er ekki á móti þeim heldur.  Mest rasandi á yfirvaldinu sem atti þessum tveimur hópum saman.

[Guðrún B. (IP-tala skráð) 24.4.2008 kl. 12:50]

Ég er svo mikill óeirðarseggur sjálf, að ég stend með vörubílsstjórunum.  Kanski eru þeir ekki að standa rétt að málunum, en hvað er svosem rétt.  Skoðanir eru eins og rass*** það eru allir með eina.

Þeir eru allavega þeir einu sem eru tilbúnir að gera eitthvað í málunum. Hvort sem það er skipulagt, rétt eða rangt.  Á meðan sitjum við hin heima og tuðum.

Ég er óeirðarseggur og segi GO STULLI Og co !!