Af Herjólfi, uppspúnum líffærum ofl.

IMG_2787  Aflminni Herjólfur, er boðorð dagsins.Woundering

  Gott og vel.

  En hvað með "siglingartímann" milli lands og Eyja? Shocking

  Nú er húsfreyja með sjóveikari konum sem uppi hafa verið á litla Fróni,

  og þó víðar væri leitað.Whistling

  Þriggja tíma martröðin milli Þorlákshafnar og Eyja er henni til að mynda

  algjörlega ofviða.Pinch

  Ælir sem Múkki og spýr tæpa tvo tíma af þeim þremur, sem tekur að

  berjast á milli þeirra hafna, þá hún neyðist til að taka Herjólf

  út í Eyjar að vetrarlagi.Crying

  Grátbiður áhafnarmeðlimi að FLEYGJA sér útbyrðis hið snarasta,

  og binda þannig enda á arma vesöld sína og mergjaða vanlíðan,

  heltekin af sjóveiki og angist, strax eftir rúma klukkutíma siglingu.Frown

  Það sem verra er, er að 12 ára djásnið er öllu sjóveikara, en

  æludruslan, móðirin, og byrjar að æla strax eftir 50 mínútur á sjó.

  Móðirin ekki í nokkru standi að stumra yfir náfölu djásninu,

  með fulla ælupoka, og salernishalup, liggur emjandi í

  koju, í sófa, úti á dekki  eða hvar sem örlögin hafa holað henni niður

  um borð í koppnum Herjólfi, þjáist og barmar sér.Sick

  "Hvernig í ósköpunum datt henni, ábyrgri móður og hjúkrunarfræðingi

  í ofanálag, að hætta svona illilega lífi og innri líffærum sínum og djásns,

  með SJÓFERÐ ferð til Vestmannaeyja í HEILA ÞRJÁ KLUKKUTÍMA um borð

  í Herjólfi"?Pinch

  Sjálfsásökunin og sektarkenndin er að sliga húsfreyju,

  og slær allhressilega í vanlíðanina og sjóveikina.

  "LIFE IS A BITCH, AND THEN YOU GET SEASICK"Angry, er slagorð

  sem húsfreyja samdi fyrir mörgum árum, eftir eina hroðalega

  sjóveikisferð til Eyja með Herjólfi.

  ( Spjó upp 3 vikna gallbirgðum, hálfri lifrinni,

  og einu lunga í þeirri viðbjóðsferðinni)Pinch.

  "Life is a bitch, and then you die...piff...bara húmbúkk!

  EKKERT slær út alvöru sjóveiki...dauðinn sjáldsagt aðeins kærkomin lausn,

  í samanburði við það helvíti.Errm

  Svo það er von að húsfreyja spyrji:  "Hvað um siglingarTÍMANN"?

  Mun "aflminni" ferja vera LENGUR í ferðum á milli lands og Eyja?

  Því þetta er spurning um mínútur...í alvöru, þegar kemur að

  djásni, húsfreyju og SJÓVEIKI.

  Djásn og húsfreyja fóru bísna oft með Herjólfi í Eyjar út í fyrrasumar,

  og 45-50 mínútna siglingin frá Landeyjahöfn þoldist svona svaðalega vel af báðum.Joyful

  Engin sjóveiki, engar ælur, engin örvænting.Wink

  Þær eins og nýslegnir túskildingar, er í land kom.

  Engin vesöld og lystarleysi né sjóriða í marga tíma á eftir sjóferð.

  Bara gleði og myljandi hamingja yfir því að hafa aftur fast land undir fótum.

  Jamm.

  Hvað verður nýr og AFLMINNI Herjólfur LENGI á siglingunni milli

  Landeyjahafnar og Eyja?

  Erum við að tala um siglingu upp á sama tíma og með gamla koppnum,

  eða er verið að LENGJA sjóferðina tímalega séð?

  Er verið að bjóða upp á rúman klukkutíma...jafnvel einn og hálfan

  þar á milli?

  Djásnið er heillum horfin með andlitið ofan í æludallinn, lengist

  ferðin svo mikið...húsfreyja tæpari en allt sem tæpt er.... og

  gæti farið svo að hún ældi upp "hinu lunganu" fari reisan mikið yfir

  klukkustund að tímalengd.PinchSick

  Vesen þar með upp á 11,2 á "vesen-skala frá 1-10", fyrir húsfreyju

  og 12 ára djásn að fara út í Eyjar með Herjólfi.Angry

  Og telur húsfreyja, að svo verði með alla sjóveika, sem af geðveikri

  bjartsýni kaupa sér ferð með Herjólfi til Eyja.

  Nema auðvitað að húsfreyja og djásn séu "einstök fyrirbæri í tilverunni",

  kannski af mergjaðri "sjóveikisætt" langt aftur í ættir,

  æluvesalingar, arga landkrabbar, guðsvolaðir aumingjar á sjó og

  sjóferða-afturkreistingar.GetLost

  Aldrei að vita.

  En húsfreyja vonar heitt og innilega að "aflminni" nýr Herjólfur

  verði jafnfljótur í ferðum og sá eldri...ef ekki fljótari.Tounge

  Góðar stundir og gleðilegar Eyjaferðir í sumar.

 


mbl.is Nýr Herjólfur verður aflminna skip
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Það eru svefn vagnar aftast í kojuganginum þar er hægt að lippast niður eða bara til að bera saman bækur sínar við aðrar ferðir hjá svóveikum ég man tildæmis eftir því að hafa á útleið verið sjóveikur aðra leiðina og svo í land. En ekki koju veikur nema í stanslausum sjó einsog verið hefur oft á suðvestanmiðum.

Glorious (IP-tala skráð) 24.3.2013 kl. 00:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband