Þetta er ekki flókið, eða hvað?

  Samkvæmt hinni helgu bók

  Sádanna, Kóraninum, þá eru

  konur þeirra frekar ómerkilegur pappír.

  Ekki gott að treysta á minni kvenna eða sannsögli....

  fyrir utan að þær eru allar í "prívat" eigu karla sinna.

  Auðvitað "eiga" flestir velmegandi karlkyns Sádar

  í það minnsta fjórar konur.

  Svo þegar kemur að "lýðræðislegum" sveitastjórnarkosningum

  í henni Sádi-Arabíu er ekki snjallræði að hinir "mark-á-takandi-

  minnugu-sannsöglu" karlmenn smelli einum "fimm" krossum fyrir

  framan val sitt, á atkvæðaseðlinum og málið er DAUTT.

  Konurnar sleppa þá alveg við reyna að gera upp hug sinn,

  um það hvern af "mark-á-takandi-minnuga-sannsögula"

  frambjóðanda þær treysta best, geta setið í ró og næði

  heima yfir börnum og eldamennsku...ef þær rekur þá nokkuð

  minni til að eiga börn og að þurfa að gefa þeim og bónda að borða.

  Og ef í hart fer, ljúga þær bara og segjast ekki hafa haft tíma

  í að elda kjúllann ofan í karl sinn og barnaskarann, því þær hafi verið

  svo uppteknar að sauma ný dúkkuföt á Barbie og Ken.

  Hinir eðal "mark-á-takandi" karlar kjósa síðan sína

  "sannsöglu-minnugu" frambjóðendur,

  gleðjast í hjarta sínu að Allah hafi gefið þeim

  "lýðræðislegar kosningar" af sinni miklu náð.....en

  ljóta helvítið að sá "náðugi" skyldi klikka svona

  illilega á konum þeirra, þegar hann valdi þær handa þeim.

  Hehehehehe...stóðst ekki mátið, húsfreyja.

  Makalaus ekkisens fornöld í gangi þarna í Sádí.

  Góðar stundir, og njótið kvöldsins.

Konur fá ekki að bjóða sig fram

Athugasemdir

[Randver (IP-tala skráð) 28.3.2011 kl. 23:46]

Það er eins gott að þessir gaurar eru ekki með Biblíuna.

Þá væri það svartara.

Bókstafstrú og misgóðar túlkanir á trúarritum eru glatað mál. Kóraninn er vissulega betur útílátinn hvað varðar réttindi kvenna en eldri trúarrit. En túlkanir karl-klerka og að rýna í bókstafinn hefur ekki gert þeirri trú gott.

NATÓ ríki halda auðvitað áfram að halda einræðisstjórninni í Sádí uppi með vopnum og pyntingarráðum. Gaddaffi, Saddam og aðrir lúðulákar mega þó eiga það að hafa alltaf verið á móti konungnunum í Sádí Arabíu og furstadæmunum á skaganum. Sem og Osama Bin Laden. Sjálfir engu skárri reyndar, þó þeir hafi með tíð og tíma misst stuðning okkar Vesturlanda. 

[Sigríður Sigurðardóttir, 29.3.2011 kl. 20:33]

Þakka þér Randver.

Nú hef ég lesið bæði Biblíu og Kóran, og mér virðist blessaður spámaðurinn hafa tekið helvítis trú gamla Testamentsins upp á arma sína gert að sínu og gott betur.  Einnig virðist Allah karlinn vera "tvíburabróðir" Guðs gyðinga...auga fyrir auga, tönn fyrir tönn osfr.  En heldur virðist mér Allah karlinn hressari í refsiaðgerðum en Guð gyðinga í Gamla Testamentinu, boðar stöðugt að hann skuli "óttast" því hann muni refsa þeim grimmilega, sem það ei gerir.  Einnig virðist Allah vera það í lófa lagt að senda fólk beina leið til helvítis til steikingar og húðafflettingar, á meðan Gamla Testamentið er mun uppteknara af því að allt slíkt muni Satan sjá um.  Og einnig er töluvert meira rætt um helvíti í Kóraninum en Biblíunni, og lýsingar allar mjög krassandi.  Sjálf er ég lítt hrifin af trúarbrögðum, en kærleiksboðskapur Jesú Krists í Nýja Testamenti kristinna hefur ætíð höfðað til mín í Biblíunni.  Engan slíkan kærleiksboðskap fann ég í Kóraninum, og tel ég hann því mun síðra trúarrit en Biblíuna.  Og það þó Biblían sé stórgallað trúarrit, ekki síst Gamla Testamentið.

Stríðið/ stríðin fyrir botni Miðjarðarhafs virðist mér botnlaus endaleysa, þar sem valdagírugir og snarruglaðir náungar með mikilmennskubrjálæði berjast um olíu, peninga og völd.  Með dassi af heiftugum bókstafartrúarbrögðum er svo kokteillinn fullkomnaður.... og í boði andskotans sjálfs.

Þakka þér innlitið og kommentið.

[Randver (IP-tala skráð) 30.3.2011 kl. 09:33]

Takk Sigríður,

Gott svar. Skal játa að það sem ég veit um trúarbækurnar er mestu komin af því að lesa rit fræðimanna um ritin. Hef ekki lesið ritin sjálf.