Bara gaman að þessu.

  En er mig að misminna, eða er meiri kraftur og hraði í laginu núna, heldur en í keppninni hér heima?  Og dansarinn er dálítið töff, á meðan sá þykki er skondinn. 

  Þarf að spyrja þá stuttu.  En mín 7 ára dóttir kann öll Eurovisionlögin utan að, og heilaþvoði húsfreyju með Eurovision síðasta vetur.  Var sosum allt í lagi, þar sem slatti af lögunum var ágætur nú í ár.  Bara verst þegar lögin spilast svo rækilega í undirmeðvitund húsfreyju, að þau verða aðal tónlistarundirspilið  í "draumum hennar" á næturnar.

  Þá getur húsfreyju dreymt eftirfarandi:  Er í sundlauginni í Hveragerði á sólríkum sumardegi, þegar Jón gamli enskukennarinn hennar, kemur og segir að hún verði að koma með sér.  Hún treg til, en Jón á  sundlaugarbakkanum, syngur þá: "Hey, hey hey, ég segi hó, hó,hó...... og húsfreyja hendist upp úr lauginni.  Fylgir Jóni inn í verslun sem skyndilega hefur birst við hliðina á búningsklefunum.  Þar skipar Jón húsfreyju að kaupa ýmsa ávexti, og bækur svo astmi hennar lagist, en segir að lokum "þetta er samt langsamlega best við astma"!  Og réttir húsfreyju 3 silfurtangir í pakka.  "En þær eru svo dýrar" maldar húsfreyja í móinn, "og úr ekta silfri".  Jón segir það ekkert mál, geti sett tangirnar á VISA-rað.  Húsfreyja vill komast aftur í laugina og sólina, svo hún játar. 

  Við afgreiðsluborðið er sölumaðurinn eitthvað tregur að selja húsfreyju tangirnar þrjár, og tekur eina úr kassanum, og segir hana eiga að duga.  En Jón kennari, er hinn versti við afgreiðslumann, og segir að hann skuli sjá um að borga tangirnar þrjár fyrir húsfreyju, og segir afgreiðslumanni að setja þær á sinn reikning.  Afgreiðslumaður þrjóskast enn, en Jón tyllir sér á tær, og syngur á háa séinu: "This is HER life"!!  Húsfreyja fær tangirnar en Jón heldur áfram að syngja hástöfum.  Og þar með hrekkur húsfreyja upp af værum svefni, við hávaðasönginn í Jóni, og ætlar aldrei að ná að sofna aftur.

„Fyndnasta og skemmtilegasta Eurovision myndbandið "

Athugasemdir

[Kristín Magnúsdóttir, 17.4.2008 kl. 21:16]

Gott að sú stutta er eurovision aðdáandi, ég þarf að hitta hana og taka drengina mína með og eurovision SAFNIÐ mitt ! Við mundum sko skemmta okkur vel öll svona eurovision - sinnuð.....

[Sigríður Sigurðardóttir, 17.4.2008 kl. 21:51]

  Yrði "eurovision-heilabilunarpartý" aldarinnar, ef þau hittust.  Ekki víst að við mútturnar biðum þess bætur.

[Kristín Henný Moritz, 18.4.2008 kl. 00:55]

Ég man nú þegar ég og nágrannastelpurnar lærðum alla keppnina 1998 utanbókar... og dansana líka! Þá voru haldnar svona Eurovision sýnginar á 17 og 23... brjálað stuð!

[Sigríður Sigurðardóttir, 18.4.2008 kl. 19:01]

Hmmmmmm..... útskýrir mjög vel tilhneygingu mín til "bráðaheilabilunar" þá Eurovision-lög eru spiluð.  Er kannski bara "fortíðarvandamál" hjá mér, Hennsla?

[bára dóttir (IP-tala skráð) 20.4.2008 kl. 20:49]

frábært myindband