Það var og...í andakt og sannleika eða hvað?

 normal_LaughingJesus Þá er "Jesú" mættur, sprellifandi kátur og hress,

  með eiginkonuna hina endurbornu Maríu Magdalenu sér við hlið,

  í Ástralíu.Halo

  Að vísu hefur kvisast, að þessi María hans Magdalena sé

  númer "tvö", af hans eðal spúsum.Whistling

  Það er að "Jesú" hinn ástralski hafi verið búinn að

  sannfæra aðra háheilaga konu um að hún væri

  hin eina sanna María Magdalena hans, en það

  síðan eitthvað ekki gengið upp hjá þeim.Frown

  Sjálfsagt bara smá "tæknileg mistök" í gangi hjá

  "þeim guðlega".....áreiðanlega allt myljandi fullt

  af "endurfæddum" Biblíukarakterum kringum "Jesú"

  þar "down under", svo líklega hefur hann bara ruglast örlítið

  í ríminu.

  María Magdalena hin fyrsta, þá sjálfsagt bara gömul vinkona hans,

  hún Marta til dæmis, systir Lasarusar (his old mate)Wink, nema það hafi verið

  hin systirin; María, sem laugaði fætur meistarans og þerraði með

  hári sínu.

  Þá hefur Jesú hinn ástralski, snarlega uppgötvað mistök sín,

  þegar María Magdalena hin fyrsta, hóf að baða fætur hans á morgni hverjum

  og brúka hárið á sér í handklæðisstað.Whistling

  ÚPS!  Vitlaus María.Pinch

  Verið snöggur að kippa því í liðinn, sem hann hét Allan John Miller.....eða

  nei...Jesú, var nafnið.

  En rosalega hefði verið gaman að vera vitni að því þegar

  All....afsakið ..Jesú hinn ástralski kom svífandi niður á jörðina í sinu

  himneska skýi, samanber : "Þegar hann (Jesú) hafði mælt þetta

  varð hann upp numinn að þeim ásjándi og ský huldi hann sjónum

  þeirra.  Er þeir störðu til himins á eftir honum þegar hann hvarf, þá stóðu

  hjá þeim allt í einu tveir menn í hvítum klæðum og sögðu: "Galíleumenn,

  hví standið þér og horfið til himins?  Þessi Jesús, sem varð upp numinn

  frá yður til himins, mun koma á sama hátt og þér sáuð hann fara til

  himins" (Postulasagan 1, 9- 11).

  Jamm, alltaf missir húsfreyja, ratinn sem hún er, af öllu merkilegu.Frown

  En máske hefur einhver náð að taka stórkostlegan trúaratburð þennan

  upp á snjallsímann sinn...þá er þetta að sjálfsögðu komið inn á

  You-tube, fésið, tístið sem og aðra netmiðla....kommentatröllin á

  Visir.is þá sjálfsagt löngu búin að tjá sig um málið af stakri hógværð og

  mælskusnilldCool, á meðan húsfreyja er grænni en allt sem grænt er, og

  veit núll og nix og lítið sem ekki neitt um sjálfa "endurkomu Jesú"

  nema það sem stendur í frétt þessari.Shocking

  DÆS.

  Rangur maður á röngum stað í vitlausu landi, eru og verða örlög

  húsfreyju.Crying

  Hún vissi það alltaf, að hún ætti að vera flutt til Ástralíu fyrir löngu.

  Hefði getað verið í móttökunefndinni, þegar Jesú sté niður af skýi

  sínu.....jafnvel komið til greina sem "kandidat" sem ein af

  Maríunum í lífi Jesú?Tounge

  Sjíss!  Alltaf allt of SEIN húsfreyja, ekkert að pæla...mætti halda

  að hún hefði FASTA búsetu á hvítu "þokuskýi".Errm

  Svífur um í villu og svíma.

  En húsfreyja býður Jesú hinn "endurfædda" hjartanlega velkominn aftur til móður jarðar,

  og vonar að hann eigi mun huggulegri jarðvist nú, þegar "krossfestingar"

  eru ekki lengur "inn" og fáir jarðarbúar kippa sér mikið upp við það, að

  einhver gefi það út að hann sé Jesú endurfæddur.Whistling

  Mesta lagi að hans háæruleiki, Páfinn í Róm, verði allur í tjóni

  við tíðindi þessi......svona mergjuð SAMKEPPNI er náttúrulega

  gjörsamlega "óþolandi"!Angry

  Svo virðist þessi Jesú einnig ansi snjall að "græða" svolítið

  á "fortíð" sinni...selur geisladiska og heldur úti námskeiðum...og

  tekur þakklátur við öllum "donations", þó slíkt sé að sjálfsögðu

  engin skylda þegar hann er annars vegar.Halo

  Það muna jú allir "kastið" sem Jesú fékk í bænahúsinu þar sem

  hann rak kaupmenn og sölumenn á brott, velti um borðum og

  stólum og sagði þá gera hús hans að ræningjabæli.

  En það er eins og það var.... allt gengur út á kaupmennsku í dag,

  svo vilji nýi Jesú vera "memm", er víst skárra að

  koma sér upp nokkrum sölubásum.Devil

  Alla vega svona í upphafi vega. 

  Aldrei að vita nema Jesú hinn ástralski

  verði síðan bísna fær í því að "margfalda" mat og drykk, þegar tímar líða, líkt og

  kringum árið 30, þegar hann mettaði fimm þúsundir manna með 5

  brauðum og tveimur fiskum.

  Þá getur hann pakksaddur, velt um sölubásum sínum af einskærri trúargleði...Grin

  Góðar stundir í Jesú nafni.

 


mbl.is Segist vera Jesús Kristur
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband