Trúlega ljótasta...

  ... dýrðlingastytta sem húsfreyja

  hefur augum barið.

  Vesalings steindauði Jóhannes Páll páfi.

  Stytta þessir minnir húsfreyju einna helst á

  fyrrum einræðisherra Ítalíu, Mussolíni....nýkrufinn.

  Æ, æ, ekki nóg að blessaður Jóhannes Páll II hafi verið

  skikkaður í dýrðlingahlutverkið og orðinn

  dýrðlegur eigandi að HELGU blóðglundri í flöskum í

  miðjum Páfagarði, heldur verður nú hinn elskulegi

  Jóhannes Páll að hanga í styttulíki á öðruhverju götuhorni

  og hverri einustu katólsku kirkju í hinu mikla veldi ítala.

  Og séu allar hinar styttur hans líkar þeirri sem var afhjúpuð

  fyrir framan eina helstu lestarstöðvar Rómar, er næsta víst

  að menn fari að ganga af trúnni þarna austur í Róm.

  Lágmark að "Hinn nýdýrðlegi" þekkist á styttum þessum,

  og minni ekki á líkkistur og krufningar hvað líkamann varðar.

  Eða það hefði húsfreyja haldið.

  En hún telst víst seint katólsk í sinni trú, svo máske ekki alveg

  að marka hennar álit.

  En fögur er stytta Jóhannesar Páls II eigi að hennar mati,

  og ættu hinir heittrúuðu katólsku ítalir að koma

  stytturæskni þessu fyrir í hasti á afviknum og dimmum stað,

  svo lestarferðir leggist ei af frá lestarstöð þeirri

  sem um getur í fréttinni.

  Svo geta ítalskir styttuunnendur katólskra dýrðlinga  brugðið

  sér í eina herlega reisu til litla Fróns, og skellt sér

  inn í St. Jósefskirkju og skoðað allar fallegu dýrðlingastytturnar þar.

  Það eru sko ALVÖRU dýrðlingastyttur.

  Næsta víst að hinir ítölsku munu falla í stafi og

  fái dýrðlegan innblástur mikinn,

  og næsta stytta af heilögum Jóhannesi Páli II

  við ítalska lestarstöð verði þar með íðilfögur,

  honum lík og full af helgri andakt.

  Góðar stundir og njótið "gluggaveðursins".

 

  P.S  Húsfreyja hefur alltaf verið hrifin af þessari mynd af

  Jóhannesi Páli páfa, því lengi vel hélt hún að hann væri

  með dökkan eyrnalokk í öðru eyranum á henni.

Ekki hrifnir af styttu af páfa

Athugasemdir

[doctore (IP-tala skráð) 23.5.2011 kl. 13:28]

Passar vel við karlinn.. hann var ljótur að utan sem að innan; Hylmdi yfir með barnaníðingum; Gaurinn var geggjaður.. .eins og allir dýrlingar kaþólsku kirkjunnar; Púra glæpamenn allir með tölu

[Sigríður Sigurðardóttir, 24.5.2011 kl. 18:32]

Nah, kæri doctore eitthvað þungt í þér í garð hins heilaga? Karlinn máske ekki fríður að utan, en hann er svolítið gæðalegur til augnanna, blessaður og sjálfsagt ekki verri katolikki en hver annar.  Glæpon?  Veit ekki ....varla.  Aðal-dýrkandi  og höfuðpaur furðulegra trúarbragða?  Ekki spurning.  Þakka innlitið.