Syndaaflausn?

  JesusBlessaður öðlingurinn hann

  Benidikt XVI er búin að gefa það

  út að gyðingar eigi ekki sök á dauða Jesú.

  Já, það var aldeilis.

  Og af hverju gefur sá heilagi sextándi það út núnaShocking?

  Hefur einhver verið að leita þeirra einstaklinga

  sem bera sök á dauða Jesú, nýverið?

  Er kærumál í uppsiglinguPinch?

  Húsfreyja hefur lengi talið að allt í kringum dauða

  Jesú hafi verið vendilega fært til bókar, og ekki nein vandkvæði að

  sjá hverjir stýrðu málum, og hverjir stuðluðu að og

  sáu um krossfestingu hansWhistling.

  Húsfreyju rámar í að Kaífas æðsti prestur ásamt fleirum af hans

  prestum og öldungum, og sömuleiðis Heródus og Pontías Pílatus með sína

  rómversku hermenn, hafi allir eitthvað verið við málið riðnirHalo.

  Jamm, og svo auðvitað hinn armi Júdas...svona í upphafi máls.

  Að þjóð sú er nefnast gyðingar í dag, beri þar einhverja sök

  hefur aldrei komist inn höfuð húsfreyju nema sem rugl og óráðsíaShocking.

  Enda Jesú og allir hans lærisveinar gyðingar sömuleiðis.

  Svo hvað er málið með andaktugar páfayfirlýsingar í dag?

  Hlýtur allt þetta krossfestingarmál Jesú löngu að vera FYRNT,

  og of seint að sækja nokkurn til saka fyrir það...allir með

  réttarstöðu grunaðara, steindauðirDevil.

  Eða hvað?

  Ekki alltaf gott að henda reiður á hugleiðingum katólskra páfa.

  En húsfreyja hefur löngum haft áhuga á andlegum

  málum, enda trúuð kona á Guð og góða verndarengla, en lítt

  trúuð á trúarrit, trúarbrögð og trúarkreddur, enda slíkt

  allt frá mönnum komið.

  Hefur dundað sér síðustu vikur og mánuði að glugga í

  Kóraninn, og tarna er furðulega lesningin.

  Eru mikils trúandi á brennandi helvíti í því ritinu,

  og virðist Múhameð spámaður nánast taka helvítis-hugmyndir

  Gamla Testamentisins beint upp og gera þær að sinum og Allah,

  og gott betur.

  Einnig virðist Allah vera tvíburabróðir Guðs gyðinga í

  Gamla testamentinu...auga fyrir auga, tönn fyrir tönn osfr.

  Allah blessaður er einnig ansi herskár:

  "Spámaður, herja þú á hina vantrúuðu og hina hræsnifullu,

  og beittu þá hörku.  Víti skal vera þeim athvarf, og er það takmark allillt"

                                                                              9.Súra 73.

  Allah reynist einnig grimmur "refsari" við lestur þennan.

  Einn hinn harðasti dómari sem um getur, og boðar að

  hann beri að óttast sem og refsingar hans.

  Elskar boð og bönn til mannanna barna... og setur þeim

  óspart lög og reglur.....lögum sem jafnvel er ennþá

  fylgt í dag, hversu forn og ómannúðleg sem þau eru.

  Jamm, ekki mjög kærleiksrík trúarbrögð, nema ölmusufólki,

  munaðarlausum og sjúkum.

  Konur ekki merkilegur pappír í bók þessari, og eiga dætur til dæmis ekki

  sama rétt til arfs eftir foreldra sína, sem bræður þeirra...og þær eru EIGN

  eiginmanna sinna.

  Samt er í sífellu tönnlast á því að Allah sé alvitur og mildur,

  í gegnum allan Kóraninn.....jafnvel eftir hinar hroðalegustu lýsingar

  á fólki sem Allah refsar og sendir til Vítis í sjóðandi vatn, svo

  holdið bráðnar af beinum.

  Jamm, nokkuð merkileg lesning, Kóraninn, en niðurdrepandi á heildina litið.

  Svo húsfreyja smellti sér í meira upplyftandi efni af andlegum toga,

  eftir Kóraninn, og veitti ekki af.

    Ég segi yður:  Þannig verður fögnuður með englum

    Guðs yfir einum syndara, sen gjörir iðrun.

                                                 Lúkas 15:10

 

    Hjarta yðar skelfist ekki né hræðist.

                                                 Jóh. 14:27

 

    Bodhisattvinn elskar allar lifandi verur sem væru þær

    hans eigin afkvæmi.

                               (Vimalakirtinirdesha sutra 5) Búdda.

 

    Megi ótti og kvíði ekki sigrast á mér.

                                (Majjhima Nikaya 6.8)  Búdda.

 

  Strax skárri boðskapur, þegar stöðugur ótti og hræðsla er ekki

  málið í trúarbrögðunum, heldur kærleikurinn.

  En alltaf fróðlegt að skoða málum frá nýjum sjónarhóli.

  og þó Kóraninn fái ekki háa einkun sem trúarrit hjá húsfreyju,

  er hann áreiðanlega fínn fyrir árásargjarna karla þarna austur um

  sem vilja "eiga" margar konur, fíla að lifa í stöðugum ótta

  við reiði og refsingu Allah, eru lítt fyrir þjóðfélagsframfarir

  og hafa gaman af krjúpandi bænahaldi frá morgni til kvöldsWink.

  Svo mörg voru þau orð.

  Góðar stundir og góða nótt.  Guð og góðir englar "ykkar" geymi ykkur.


mbl.is Hreinsar gyðinga af dauða Jesú
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ólafur Björn Ólafsson

Heil og sæl Sigríður.

Það er ekki hjá mér til nein sérstök trú, þó ég hallist fremur að trúleysi.

Það er samt svo að eitthvað hef ég reynt að kynna mér þessar bækur sem kendar eru við einhverja Guði. Það sem mér þótti merkilegt er hve mikið er hreynlega bara gamla testamentið. Sjá bara Gyðingstrú annarsvegar og Múslíma hinsvegar, nánast sama bókin þó Kóraninn sé svona harðorður.

Þessar bækur Gamla testmentið Kóraninn og bók Gyðinganna ber öll að sama brunni, konan skal halda kjafti og hlýða karli sínum í einu og öllu. Þær voru taldar upp með búpeningi mansins og þar við sat.

Við hér í hinum vestræna heimi sem höfum meðtekið testamentið hið nýja erum búin að breyta þessu og hættum að telja konur með búpeningi. Þær þurfa heldur ekki að hlýða bónda í einu og öllu, hvað þá að þær þurfi að halda kjafti...

Það er virðist mér aðeins trúin á Allah og Kóraninn sem uppheldur venju að konan sé eign bónda síns og hreinlega talin upp með búpeningi.

Mér hefur hinsvegar sjálfum lærst að ef ég vil geta borið virðingu fyrir öllum þá er best að vera trúlaus. Ég er ekki settur undir þá kvöð að telja ákveðinn hóp fólks sem skepnur af því einu að hann trúi ekki á það sama og ég. Konan er jafnrétthá og ég hvað svo sem sagt er í öllum trúarritum...

Allt það góða get ég framrétt til handa öllum hverrar trúar svo þeir hinsvegar eru. Enda kemur mér ekkert við hvort viðkomandi sé ofsatrúar, trúlaus, eða eitthvað þar á milli...

Það er svo hægt að færa rök fyrir því að flestar styrjaldir sem háðar hafa verið eru vegna trúarbragða. Þessi ástæða er ein meginorsök þess að ég vil heldur vera trúlaus en að eiga í erjum við nágrannan vegna trúmála...

Með kveðju

Kaldi

Ólafur Björn Ólafsson, 7.3.2011 kl. 02:06

2 identicon

Bandaríkjamenn sönnuðu eðli sitt með morðinu á Abraham Lincoln!

Svíar ættu að dauðskammast sín fyrir morðið á Olaf Palme!

Og það sést af morðinu á Ghandi hvern mann Indverjar hafa að geyma!

Og síðast en ekki síst NIÐUR MEÐ ÍSLENDINGA fyrir morðið á Geirfinni!

Páfinn tók Jóhönnu af Örk í dýrlingatölu eftir að hafa fordæmt hana. Því miður gleymdi hann að lýsa því yfir um leið, að ekki væru allir Frakkar réttdræpir viðbjóðir þrátt fyrir að Frakkar hafi myrt þennan samlanda sinn, sem má undarlegt og stórfurðulegt teljast, eðlilegra hefði verið Kongóbúar eða Grænlendingar hefðu myrt Jóhönnu, en sú var ekki raunin, eflaust eingöngu afþví Kongóbúar og Grænlendingar er betra og siðsamara fólk. Fjarlægðir og slíkt hafa ekkert með málið að gera og eru því algjörlega óviðkomandi.

Dew (IP-tala skráð) 7.3.2011 kl. 04:13

3 identicon

@Ólafur. Alvöru trú kemur innan frá, byggð á persónulegri reynslu og sjálfstæðri hugsun í kjölfar hennar. Páfagaukatrú eftir bókum og kenningum telst ekki gild, frekar en það sé einhvers virði að læra eitthvað utan að, en skilja það hvorki né geta gert neitt við það. Heimurinn hefur ekki þörf fyrir páfagauka, heldur fólk sem byggir á eigin reynslu og skynsemi, hvort sem það er trúað eða trúlaust. Fordómar trúlausra fyrir trúuðum í dag eru til háborinnar skammar, og félög eins og vantrú minna helst á rasista að lýsa öðrum kynþáttum í lýsingum sínum á fólki sem hefur ekkert það til saka unnið annað en dirfast að trúa eigin upplifunum. Flestir sem eiga slíkar upplifanir virða þá sem eiga þær ekki, hitt er bara örlítill minnihluti.

Stríð þurfa ekki trúarbrögð til að vera blóðug. Sú hugmyndafræði sem flesta menn hefur drepið í heimi hér er hvorki Islam né Kristni. Hún heitir kommúnismi og ein höfuðkenning hennar er trúleysi, en kommúnisminn stefndi að algjöru trúleysi meðal manna, og barðist hatrammlega gegn kirkju og kristni. Og þessi hugmyndafræði er ennþá að drepa fólk...

Það er ofstæki sem er óvinur mannkynsins, hvaða hugmyndafræði sem það er tengt, ofstækið sem fær menn til að drepa aðra menn. Ekki rugla saman hænunni og egginu.

Trúarbrögðin sjálf eru svo margþætt og eins margar túlkanir til á þeim og túlkendurnir. Þau eru hluti af menningu mannkynsins rétt eins og Íslendingasögurnar eða því um líkt. Við getum haldið upp á þau og virt þau þó við höfum þau ekki til algjörrar eftirbreytni frekar en við ætlum út að höggva mann og annan eins og víkingarnir. Þau eru samt hluti af því sem gerði okkur það sem við erum og menningu okkar.

Jesús sagðist tala í líkingum og að ekki myndu allir skilja hann. Þeir sem taka það bókstaflega sem Kristindómurinn segir eru því villitrúarmenn.

Góðar stundir.

Trúmundur. (IP-tala skráð) 7.3.2011 kl. 04:21

4 identicon

Mér finnst ótrúlega pirrandi þegar fólk bendir á eitthvað eitt og segir: „Sjáðu þetta, þetta er ástæðan fyrir því að það verða stríð.“ Kallið það kommúnisma, eða kristni eða hvaðeina.

Afhverju er fólk ekki jafnmikið á móti landamærum eða stéttaskiptingu? Ég held að fleiri hafi dáið og drepið í nafni landsins síns eða stéttar heldur en í nafni trúar eða stjórnmálaspeki.

Athugið að það er hægt að skipta öllum þessum orðum sem fólk segir valda stríðum fyrir orðið „menning“. Menning veldur stríðum, fólk drepur hina og þessa í nafni menningar. Eigum við þá ekki bara að afnema menningu fyrst svona margir fremja ofbeldisverk út af henni?

Vont fólk finnur sér alltaf afsökun til að fremja ofbeldi, kúga konur og fátæka, arðræna og menga jörðina. Sumir segja kommúnismi aðrir kapítalismi enn aðrir íslam og enn fleiri kristi. Það skiptir ekki máli hvað fólk kallar þetta, það er gjörðin sem er vond, ekki afsökunin.

R (IP-tala skráð) 7.3.2011 kl. 10:34

5 Smámynd: Ólafur Björn Ólafsson

trúmundi er greinilega brugðið við orð mín en ég tek fram að ég er trúlaus og það er svo ég geti borið virðingu fyrir öllum ekki bara einhverjum einum trúarhópi eða bara einhverjum hópi fólks. Biblían kennir mönnum ýmislegt og ekki er það allt virðingarvert sem þar stendur en mér er nokk sama þar sem hún er ekki bókin mín.

Hvað sem öðru líður þá mun ég halda fram trúleysi mínu en þrátt fyrir það haldið virðingu fyrir öllum þar sem ég er á því að við séum öll jöfn hér í heimi.

Það er trúarritanna og þeirra sem fara eftir þeim sem komu á rasisma. Lúther sá er kristni Íslendinga er kend við var mikill Gyðingahatari og aldrey hafa verið fleirri drepnir í heiminum en í nafni kristinnar trúar (krossferðir, ýmsir dómstólar, ýmis stríð) Það að halda öðru fram er í raun hræsni, því miður. Ekki er þó því að neita að kommúnisminn hafi drepið marga, en hvað getið þið nefnt marga kommúnista sem voru virkilega trúlausir???

Það er svo líka staðreind að nasisminn barðist líka gegn trúnni en þeir vildu oftar en ekki taka upp forna siði víkinganna.

Þessi orð "Jesús sagðist tala í líkingum og að ekki myndu allir skilja hann. Þeir sem taka það bókstaflega sem Kristindómurinn segir eru því villitrúarmenn".

Það er eitthvað bogið við það þegar menn ætla að fá fólk til að trúa á eitthvað að segjast tala í gátum... Þessir menn eru yfirleitt ekki teknir trúanlegir. Ef ég á að hlusta á einhvern þá vil ég skylja það sem sagt er, þess vegna hef ég eyru og heyrn. Ég vil líka geta svarað fyrir mig, þess vegna hef ég talfærin. Ég vil líka geta skylið hið skrifaða orð, þess vegna lærði ég að lesa... Út frá þessu kemur það að æ fleiri gerast trúleysingjar.

Prestar til forna vildu að fólk kynni ekki að lesa, þegar fólk lærði að lesa fóru þeir að lesa biblíuna á latínu. sögðu að það væri eina löglega tungumál biblíunnar (hræsnarar), allt þetta til að geta sagt fólki hvaða vitleysu sem er til að glepja til trúar þá vantrúuðu.

Þetta er einmitt það sem viðgengst í þeirri trú sem kend er við múslíma í dag. Kóraninn skal vera á arabísku og er ekki réttur á öðru tungumáli. Er ekki ákveðin hræsni þar.

Í gegnum tíðina hafa ráðamenn þjóða spilað inná mentunarleysi fólksins og náð þannig að stjórna sínum löndum. Oftar en ekki hafa sömu stjórnendur beitt trúnni fyrir sig til að hald völdum, hvað merkir það svo???

Ætla ekki að hafa þetta lengra þar sem mér þykir nóg ritað og bið Trúmund vel að lifa og óska als hins besta.

Kaldi

Ólafur Björn Ólafsson, 7.3.2011 kl. 15:18

6 Smámynd: Sigríður Sigurðardóttir

Já sælir, herramenn, gott að fá frá ykkur kommentin.

Það er svo að ég hef frá unga aldri haft áhuga á andlegum málum, trú og trúarbrögðum þar með, og einnig skoðað spíritisma.  Talsvert lesið og kynnt mér í þessum málum, og hafna í dag öllum trúarbrögðum.  Á mér mína eigin trú á Guð og andlega verndara, og veit að allt sem ég finn gott og heiðarlegt fyrir mig og mína sál í trúarritum, er mér sent til íhugunar og þroska hér í þessu lífi mínu á jörðu.  Annað sem hljómar falskt, ofstækisfullt, dæmandi eða bara hreinlega vitlaust í þeim góðu bókum, hendi ég í ruslakistu gleymskunnar.  Ég virði alla menn og konur, trúuð jafnt sem trúlaus, hvaða pólitík sem þau fylgja.  Góð verk þeirra met ég að verðleikum, en vond verk þeirra hryggja mig, angra og ávinna reiði mína.  Mannskepnan virðist mér oft grimmt dýr í eðli sínu og sólgin í völd, og finnur sér hvaða tylliástæðu sem er til að stríða við og kúga nágranna sinn, þarf ekki trúarbrögð eða kommúnisma til...en það eru fínar ástæður samt....eins og nasimi, einræði, nýlendustefna, landavinningar, lýðræði, þingræði....og það að þið eruð öðru vísi á litinn en við...þinn asni er stærri en minn osfr.  Listinn er endalus þegar kemur að afsökun fyrir stríði.  Þörfin fyrir að kúga aðra einstaklinga og troða þeim um tær, troða upp á þá trú sinni eða skoðunum, misbjóða, lítillækka og gera að einkaeign eða þrælum virðist sem fíkn okkur mönnum hér á jörðu.  Okkar mannanna mesta áskorun tel ég að sigrast á þessari fíkn, virða alla menn, skoðanir þeirra og trú, lifa í friði þó okkur greini á, og veita þeim sem minna mega sín, eins og t.d börnunum okkar, skjól, kærleika og vernd.

  En ef þið viljið spjall um líf eftir dauðann, á ég efni í marga pistla um það, herrar mínir..hehehe.

  Gaman að þessu, þakka ykkur kærleg fín komment.

Sigríður Sigurðardóttir, 7.3.2011 kl. 18:15

7 Smámynd: Tinna Gunnarsdóttir Gígja

@"Trúmundur":

Fordómar trúlausra fyrir trúuðum í dag eru til háborinnar skammar, og félög eins og vantrú minna helst á rasista að lýsa öðrum kynþáttum í lýsingum sínum á fólki sem hefur ekkert það til saka unnið annað en dirfast að trúa eigin upplifunum.

Geturðu nefnt dæmi þar sem málflutningur Vantrúar minnir á rasista?

Vantrú hefur þar að auki ekkert á móti trúuðu fólk per se, heldur því að trúaða fólkið fái að ráða. Ríkiskirkjan fær skattfé okkar, prestar og aðrir fá óáreittir að boða börnum okkar trú, og fólk virðist halda að trúleysi þýði siðleysi... er nema von að trúleysingjar verði stundum pirraðir? Vantrú berst svo ekki bara gegn ágangi trúmanna, heldur einnig gervivísindum og allskyns kukli.

Tinna Gunnarsdóttir Gígja, 8.3.2011 kl. 03:02

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband